احكي لنا عن تجربتك مع اول يوم لك دخنت فيه سج&#

[sky300]

طبعا الموضوع واضح من عنوانه ياريت الكل يشارك ويعرفنا حس بايه كان في فرق بين العادي والالكتروني بنسبة كم في المئة
صحته اتحسنت بعد كام يوم

هل اول يوم كان في حاجه لتدخين سيجارة عاديه لانه حس ان الالكترونية مش مكفياه؟

انا شحصيا حبيت السيجارة دي جدا جدا جدا على الرغم لسه مستعملها من كم ساعة مع انها على اد الحال ايجو تي بس فكرة السجاير دي نفسها انضف مليون مره من العادي وقرفه حتى لو كانت علبة سجائر من ارقى الانواع فجنب السجائر الالكترونية *الماركات المعروفة طبعا مش *السيجارة اللي بتيجي في التلفزيون

السيجارة الالكترونية حل ممتاز للي خايف على صحته وصحة اهله واصحابه
لانه هيدخن بنسبة ضرر قليلة جدا جدا

وممكن يبطل بالتدريج لوحابب لحد ما يشتري سائل خالي من النيكوتين
ويدخن بخار فقط

انت اول تجربة ليك ايه وحسيت بإيه؟​

 

[sky300]

عموما هبدأ انا بنفسي


فرق شاسع بين العادي والالكتروني لكن مش متكيف منها يمكن الليكويد مضروب يمكن انا حاسس كده عشان مش متعود عليها
جربت السيجارة الالكترونية اللي بتيجي في التلفزيون كنت حاسس اني بشرب بلاستيك محروق ريحتها معجبتنيش بس كان فيها نيكوتين فعلا وباظت بعد اسبوع

اعتقد ايضا اني هتعلق بها جامد ,,, لا وهشتري مستلزماتها كمان واكسسوارتها ان شاء الله وكنت اتمنى يسمحوا بيها في البلدان العربية لانها والله ضررها اخف بكتير بس نقول ايه لوبي شركات السجائر عامل تأثير جامد ومش عاوزينها تظهر للناس لان المصانع هتقفل ببساطه

 

[Hossam]

الاخ العزيز هانى شكرًا على بداء هذا الموضوع و خلى انا أشارك معكم

انا عندما بدأت كنت ادخن السجائر الانتل سيج لمده شهر تقريبا و بعد ذلك بدأت اشترى الايجو وخلافه و لكن خلال الشهر الأول كنت ادخن علبه سجائر فى اليوم مع اننى كنت استعمل أعلى تركيز من النيكوتين للانتل سيج و الذى كان أيامها يعادل ٤٨٪ و بعد فتره بداءت أحس اننى لا أريد تدخين السجائر العادية لأننى كنت ادخن السجائر الإلكترونية و التى كانت تعطينى نسبه النيكوتين الذى احتاجها و بالتدريج بدأت فى تقليل نسبه النيكوتين إلى ان وصلت الآن إلى ١٠٪ و بدأت أتمتع بالنكهات المختلفة و لاحظت ان تدخين السيجارة العادية اقل متعه الآن. و يمكن لبعض الأخوة فى المنتدى ان يستعجبوا بأننا حت الآن ادخن السجائر العادية و لكن بحد أقصى ٤ سجائر باليوم و اعنى اربع سجائر و ليس أكثر

كانت غلطتى الكبيرة عندما بداءت السجائر الإلكترونية هى مقارنتها مع السجائر العادية و هذه المقارنة كانت فى صالح السجائر العادية دائماً لان لا يوجد محلول إلى يومنا هذا يعطى نفس طعم و سخونه و إحساس السيجارة العادية و لكن اخذت السيجارة الإلكترونية من جانب آخر و هو عدم وجود رائحه كريهة بالمنزل و يمكن تدخينها فى اى مكان و التمتع بنكهات مختلفه و هى أنظف من السجائر العادية و كذلك الجانب الصحى لأننى كنت ادخن اربع علب سجائر فى اليوم و اذا استمريت على ذلك سوف تتسبب السجائر فى أضرار كبير و الجوانب الإيجابية جعلتنا أتمتع بالسجائر الإلكترونية و لكنى كنت اواظب على شراء محلول ذو جوده ممتازه لان المحلول هو الذى يجعلك تحس بعدم الرغبه فى تدخين السجائر العادية و على سبيل المثال خلى اى شخص يجيب أحسن سيجاره إلكترونيه بالعالم و يدخن معها محلول وحش او ليس به نكوتين بالتأكيد سوف يرجع للسجائر العادية

ارجو ان تكون تجربتى بها أفاده للأخوة بالمنتدى و أتمنى اليوم الذى أقول فيه ان تدخينه للسجائر العادية اصبح صفر

 

[sky300]

كفيت ووفيت يا دكتور حسام وفعلا الليكويد مهم جدا جدا ولازم يكون مضمون والا مش هتستمتع بتدخين السيجارة الالكترونية


انا عامة شوية احس بحموضة بسيطه شوية احس بانتفاخ بسيط او وجع اسفل بسيط خالص اسفل القفص الصدري مباشرة في النصف ويمكن ده من الليكويد لانه غريب على الجسم
او يمكن لانه رديء وعموما انا عاطي لنفسي مهله لحد بكرا عشان اعرف الليكويد كويس ولا لا مع اني عارف النتيجة مسبقاً

 

[Hossam]

الإحساس التى تحس به نتيجه بلعك للمحلول

 

[sky300]

غلطتي فعلا اني جبت سيجارة من نوع كارتوميزر مع اني انا قايل له ابعت لي كليرومايزر الواحد كره الكارتوميزر ده لان بسيل وبينزل السائل في فم الواحد فبيعطي مذاق سيء

 

[Hossam]

انت لم تشترى كارتوميزر و لديك شئ هائل بس ذى ماقلت لك خلى السيجارة عموديه اغلب الوقت و يمكن من فتره إلى أخري مسح المكان الذى تملاء منه المحلول للتأكد بأنه لا يوجد به سائل يمكن ان يدخل إلى فمك و انا لا أقول ذلك لا جعلك مبسوط و لكن انا استعمل نفس ما لديك و هو مفضل لى و استعمله نصف اليوم رغم ان عندى جميع الأنواع التى يمكن ان تتخيلها وغدا سوف ارسل لك صور توضيحية لكى تساعدك على التمتع بما لديك و لكن لا تنسى ان المتعه الحقيقية فى المحلول الجيد

 

[sky300]

ربنا يخليك لنا يا دكتور حسام انت واستاذ كمال

 

[george&john]

انا بدايتي كانت من حوالي اربع سنين وكانت تجربه سيئه جدا مع السيجاره الي هي شبه السيجاره العاديه الي بتجي اعلاناتها في التلفيزيون حاليا وطبعا بيركب لها فلاتر المهم اسحب منها وكأني بسحب هواء بالضبط وطبعا رميتها في اول عشر دقائق ورجعت للسجائر تاني وفضلت لغايه قبل حوالي ٤ شهور تقريبا واخوي بيقلي انا بطلت السجاير قلتله طيب كويس وبطلت اذاي بقي قلي بستعمل سيجاره الكترونيه قلت له فاشله وجربتها من فتره ولا ليها اي لازمه قلي لا دي ممتازه طبعا كبرت دماغي وانا فاكر انها هتكون نفس تجربتي الاولي ولكن لاحظت انه اثناء شربها بيطلع دخان كثيف واكثر من السيجاره العاديه فقلت له طيب اديني كده اجرب ووقتها كان النكهه بلو بيري بصراحه اخدت منها نفس ورا نفس واعجبني الموضوع جدا ولقيتها تختلف اختلاف كبير عن عن تجربتي الاولي طبعا السيجاره الي كانت معاه هي جانتي نيو المهم تاني يوم فضلت ادور في النت ولقيت واحده نوعها تورنادو تانك واعجبتني اكتر من الجانتي وفعلا اشتريتها وهي معاي لغايه دلوقتي ولكن مشكلتها كانت في تسريب السائل وطبعا بعد كده بقيت متابع للاخبار والنوعيات وادور علي فيديوهات في اليوتيوب وحاليا معاي لافا تيوب فيرجن ٢ طلبتها كروم علشان مكانش في اسود بس كان في احمر وازرق او كروم بذياده ١٠ دولار وطلبت الكروم وطبعا طلبت شحنه تانيه فلاتر فيفي نوفا ٣.٥ ملي وكمان ٢ملي وعايش بيهم بالرغم اني كثير من الاحوال اشرب سجاير عاديه وخصوصا الصباح لابد من سيجارتين ٣ اجباري واحيانا لما بكون طالع في شغل بره برضه مبحبش اللافا تيوب علشان حجمها كبير وبشبع تريقه من الاصدقاء ولذلك قررت اني اشتري مود يكون حجمه صغير وايضا فكرت في الاي جو شكلها برضه شيك وحلوه وتنفع في الخروج او العمل

 

[sky300]

انا بدايتي كانت من حوالي اربع سنين وكانت تجربه سيئه جدا مع السيجاره الي هي شبه السيجاره العاديه الي بتجي اعلاناتها في التلفيزيون حاليا وطبعا بيركب لها فلاتر المهم اسحب منها وكأني بسحب هواء بالضبط وطبعا رميتها في اول عشر دقائق ورجعت للسجائر تاني وفضلت لغايه قبل حوالي ٤ شهور تقريبا واخوي بيقلي انا بطلت السجاير قلتله طيب كويس وبطلت اذاي بقي قلي بستعمل سيجاره الكترونيه قلت له فاشله وجربتها من فتره ولا ليها اي لازمه قلي لا دي ممتازه طبعا كبرت دماغي وانا فاكر انها هتكون نفس تجربتي الاولي ولكن لاحظت انه اثناء شربها بيطلع دخان كثيف واكثر من السيجاره العاديه فقلت له طيب اديني كده اجرب ووقتها كان النكهه بلو بيري بصراحه اخدت منها نفس ورا نفس واعجبني الموضوع جدا ولقيتها تختلف اختلاف كبير عن عن تجربتي الاولي طبعا السيجاره الي كانت معاه هي جانتي نيو المهم تاني يوم فضلت ادور في النت ولقيت واحده نوعها تورنادو تانك واعجبتني اكتر من الجانتي وفعلا اشتريتها وهي معاي لغايه دلوقتي ولكن مشكلتها كانت في تسريب السائل وطبعا بعد كده بقيت متابع للاخبار والنوعيات وادور علي فيديوهات في اليوتيوب وحاليا معاي لافا تيوب فيرجن ٢ طلبتها كروم علشان مكانش في اسود بس كان في احمر وازرق او كروم بذياده ١٠ دولار وطلبت الكروم وطبعا طلبت شحنه تانيه فلاتر فيفي نوفا ٣.٥ ملي وكمان ٢ملي وعايش بيهم بالرغم اني كثير من الاحوال اشرب سجاير عاديه وخصوصا الصباح لابد من سيجارتين ٣ اجباري واحيانا لما بكون طالع في شغل بره برضه مبحبش اللافا تيوب علشان حجمها كبير وبشبع تريقه من الاصدقاء ولذلك قررت اني اشتري مود يكون حجمه صغير وايضا فكرت في الاي جو شكلها برضه شيك وحلوه وتنفع في الخروج او العمل

الف شكر على الافادة

 

[Quitter man]

دبل بوست. عذرا /مكرر

 

[Quitter man]

أيضاً تجربتي كانت مشابهة للأخوة. من حوالي اربع سنوات تعرفت علي الإلكتروني عن طريق زيارة المنتدي وكان بعض الأعضاء بيشكروا في ٥١٠ وأنها أحسن من الدي سي ٩٠١ فطلبتها من الإنترنت علي سبيل التجربة مع ليكود الانتلي سيج وكانت تجربتي ممتازة. بعد أكثر من مؤبد تدخين يعني ربع قرن بطلت واشتريت ٩٠١ علي سبيل التجربة مع كم مود ميكنيكل الحقيقة أني حبيت ال٩٠١ أكثر من ٥١٠ لان الأخيرة كانت بتسخن بسرعة وساعات تعطي نكهة شياط. واستطعت أن اترك التدخين لفترة عام كامل والحقيقة انه صحتي تحسنت بشكل كبير والامور كانت جيدة ولكن بدأت اتعب من مسالة وضع الليكود كل ربع دقيقة وأيضاً عدم التناسب والاختلاف في النكهة واصابني نوع من الكسل واستسهلت السيجارة العادية وخلال شهور قليلة وبالتدريج عدت مدخنا شرها أسوء مما كنت عليه. الحق يقال أنني عدت الي الإلكتروني كارها لأنني اعشق سيجارة الصباح مع القهوة وسيجارة ما بعد الوجبات ولكن بعد أسبوع واحد الآن وبعد انقطاع دام ما يقارب الثلاث سنوات، ها أنا استعيد قدرتي علي التنفس مرة ثانية
بعض الأحيان في العمل استخدم تبغ سويدي يقال له snus
هو عبارة عن للآفات تبغ توضع في الفم وأنا اعرف انه كون تكون أضرارها كبيرة ولكن التوكل علي الله واستخدامه لها محدود جداً لذللك لا استطيع لوم بعض الأخوة من التدخين بعض الأحيان حيث أن الإلكتروني وان كان قطع شوط كبير إلا انه ما يزال في بداياته. سامحوني علي الإسهاب الزائد وسلامي للجميع

 

[Fawzy]

تجربتي بدأت من حوالي سبع شهور لما جربت سيجارة إلكترونية ماركة جرين سموك من واحد قريبي كان مدخن شره وقدر يلتزم بالسجارة الإلكترونية بس، وبعدين طبعا اشتريت إنتيلي سيج لأنها الوحيدة اللي في مصر وعجبتني، بس اللي كان مضايقني فيها وكان بيخليني أشرب سجاير عادية معاها هو البطارية بتاعتها ووقت الشحن وعمرها، بس حبيت السيجارة جدا، لكن كنت متأكد أن لو الحال استمر على كده بالنسبة للبطاريات هرجع للسجاير تاني، والحمد لله قدرت اشتري إيجو تي وكليروميزرس وبعدها عشقت السجارة الإلكترونية فعلا، كنت بدخن علبتين مارلبور أحمر قبل كده ودلوقتي ممكن أقعد أيام على ما أشرب سيجارة عادية، بالعكس، ابتديت أكرهها، ومطقش طعمها، بس ساعات لما بتعصب جامد أو بعد وجبة دسمة، بتطلب معايا أشرب سيجارة عادية للأسف لكن الحمد لله بقدر أقعد لأيام من غير ولا سيجارة أنالوج، بالعكس الموضوع دخل عندي في مرحلة الهواية بالسجارة نفسها، وعملية البحث عن كل ما هو جديد ومتعلق بها وطرق استخلال النيكوتين من تبغ البايب والسيجار وعمل المحلول بنفسي والمودز وكل ده، بقى شغف في حد ذاته قرب يدخل مرحلة الهوس لكن برضة أهي هواية مش مضرة قوي

 

[Tahlawi]

الأخ فوزى
ياريت بقى تبطل السيجاره او الأثنين الأنالوج دول لأن مالهومش ستين الف لازمه
وياريت تقلنا تجربتك عن استخراج النيكوتين من تبغ البايب
وشكراً

 

[Fawzy]

أنا حاليا بعمل طريقة كولد استيب أو النقع البارد وهي أن بحطة حوالي معلقتين كبار من تبغ البايب وبغطيهم بالبي جي لأني قريت أنه أفضل من الجلسرين النباتي في إبراز النكهات وسايبها لأسبوعين تلاتة وبعدين هبدأ عملية التصفية، في طريقة تانية وهي طريقة التسخين في الميكرويف لخمس ثواني أو في حمام مياه سخنة ومش مغلية على النار بس أنا مقلق أجربها عشان الحرارة بيتقال ساعات أنها بتغير في تركيب المواد الكيماوية وأنا معنديش خبرة في المواد وتفكيكها على السخونة فقلت الزم الجانب الآمن من الموضوع وأخليني في طريقة النقع البارد لفترة طويلة وبعدين هبتدي التصفية وأوعدك أني هكتبلكم الطريقة كاملة والمستجدات لما أخلص إن شاء الله وألف شكر على اهتمامك

 

[Tahlawi]

الأخ فوزى بالتوفيق انشاء الله
انا عارف طريقة التسخين وكان الدكتور حسام جزاه الله خيراً كان قد شرحها لى ولكن هذه أول مره اسمع عن الكولد ستيب
وربنا يوفقك وتوصل لنتائج كويسه