مشكله عجيبه مع البطارية

[Moh.fathy0]

حاليا انا عندي سجاره من نوع ego vision ce6
و بدأت اني ابني كويل مع نفسي عن طريق فيديوهات في يوتيوب و كده
و كله كان تمام بدون اي مشاكل
امبارح عملت كويل جديد و لقيت طعم زي الحديد كده في النفس فقولت يمكن الكويل لامس بعضه
او ان الانفاس الاولانيه طعمها كده بسبب ان النيكوتين السائل لسه موصلش للكويل
شربت منها شويه و الطعم مراحش
المهم فكيته و بنيته تاني و ظبط كل حاجه و النفس تمام و بدأت مشكله تانيه خالص
هو اني اخد اول نفس حتي لو طويل عادي شغال
مع تاني نفس بيدوم حوالي 3 او 4 ثواني و بعدين البطاريه تفصل و الليد يطفي
استني 10 ثواني و اخد نفس تاني طويل اخلص الاربع ثواني و اقرب السجاره من ودني لسه شغاله عادي و الكويل شغال بيسخن
تاني نفس من ثانيتين او تلاته و بعدها يبطل الكويل يطلع صوت و اللمبه تبقي منوره علي الفاضي و بعدين تطفي كئني شايل صبعي من عليها مع اني دايس و بفضل معلق لكن بتقفل لوحدها
شيلت الكليروميزر و علقت صبعي علي الزرار عادي بيفضل منور لحد ما السيفتي يخليها تفصل لوحدها و تقوم تنور و تطفي 8 مرات دليل علي اني عديت المده المحدده للتشغيل و اكتر من كده الكويل حيتحرق ده في حاله انه راكب
القصد منها انها عادي بتنفضل تنور لفتره طويله معندهاش مشكله لكن لما ارجع اركب الكليروميزر ترجع تاني اول نفس طويل مفيش مشكله تاني نفس و تالت نفس إلخ إلخ قصير جدا و البطاريه تفصل لوحدها
انتظر 10 ثواني و اخد نفس جديد تمام مفيش مشكله
عملت كويل جديد و ركبته و برضو نفس المشكله

 

[Moh.fathy0]

بالمناسبه حاجه لاحظتها ان ساعات و انا بشرب البخان بيفصل و بيبطل شحن و نور البطاريه بيفضل منور ثواني كده بعدها و يطفي لوحده حتي و انا دايس او شايل صبعي من علي الزرار!!!! مش فاهم ايه ده بصراحه زي ما يكون في تهنيجه كده انا عمل لها ريسيت بإني افصل الطباريه ب 3 ضغطات و تنور 3 مرات و اشغلها تاني او حتي بعد الشحن لسه نفس المشكله ؟؟
ممكن تكون مشكله في البورده بتاعه البطاريه ولا ايه العمل ؟؟

 

[Tahlawi]

بالمناسبه حاجه لاحظتها ان ساعات و انا بشرب البخان بيفصل و بيبطل شحن و نور البطاريه بيفضل منور ثواني كده بعدها و يطفي لوحده حتي و انا دايس او شايل صبعي من علي الزرار!!!! مش فاهم ايه ده بصراحه زي ما يكون في تهنيجه كده انا عمل لها ريسيت بإني افصل الطباريه ب 3 ضغطات و تنور 3 مرات و اشغلها تاني او حتي بعد الشحن لسه نفس المشكله ؟؟
ممكن تكون مشكله في البورده بتاعه البطاريه ولا ايه العمل ؟؟

عزيزى
المشكله فى الكويل بتاع الكليرومايزر مش مضبوط حاول تعرف المقاومه كام بتاعت الكويل بقياسها باالآفو وحاول تلف سخان تانى وراعى الدقه لأنه تقريبا فى هوت بوينت على الكويل
مع تحياتى
كمال

 

[george&john]

عزيزي كمال اتمني منك شرح موضوع الهوت بوينت ايه اعراضه وايه اسبابه بمعني ايه الي بيخلي الاتوميزر بيعمل هوت بوينت علشان انا بنيت كويل لل فيفي نوفا واحيانا بسمع صوت فرقعه او طقطقه بداخله ولك جزيل الشكر

 

[Moh.fathy0]

عزيزى
المشكله فى الكويل بتاع الكليرومايزر مش مضبوط حاول تعرف المقاومه كام بتاعت الكويل بقياسها باالآفو وحاول تلف سخان تانى وراعى الدقه لأنه تقريبا فى هوت بوينت على الكويل
مع تحياتى
كمال

هو للاسف انا معنديش افو ميتر و برضو انا كمان عايز شرح لموضوع الهوت بوينت ده لان انا كمان مش فاهمها انا عملت زي فيديوهات يوتيوب استعملت كاثال واير 20 ملي و عملته 3 لفات بس و خليتهم قريبين من بعض و مش لامسين بعض و في نفس الوقت مهواش ماسك علي الكويل اوي ولا سايب اوي بس

 

[Moh.fathy0]

مش عارف انا اللي بقيت شكاك ولا ايه بالظبط هي حاليا بطلت تعمل الحركه دي بس انا لاحظت ان الاطار المعدني اللي حولين الزرار بيسخن لما بشربها ... مش بيسخن اوي لكن بيكون دافي يمكن من حراره صبعي او حاجه الله اعلم
بس انا حاولت اني ملمسهوش و انا بشرب و اني ادوس علي الزرار البلاستيك بس من غير ما المس الزرار المعدن و برضو بيكون ملمسها دافي بخلاف لما تلمسها بعد فتره بيكون المعدن بارد بصراحه مش عارف هو ده العادي ولا انا اللي بقيت شكاك

و اسف جدا علي الازعاج يا شباب

 

[Tahlawi]

هو للاسف انا معنديش افو ميتر و برضو انا كمان عايز شرح لموضوع الهوت بوينت ده لان انا كمان مش فاهمها انا عملت زي فيديوهات يوتيوب استعملت كاثال واير 20 ملي و عملته 3 لفات بس و خليتهم قريبين من بعض و مش لامسين بعض و في نفس الوقت مهواش ماسك علي الكويل اوي ولا سايب اوي بس

عزيزى خلى بدل الثلاث لفات خليهم خمس لفات وجرب
تمنياتى بالتوفيق

 

[Tahlawi]

عزيزي كمال اتمني منك شرح موضوع الهوت بوينت ايه اعراضه وايه اسبابه بمعني ايه الي بيخلي الاتوميزر بيعمل هوت بوينت علشان انا بنيت كويل لل فيفي نوفا واحيانا بسمع صوت فرقعه او طقطقه بداخله ولك جزيل الشكر

عزيزى جورج
الهوت بوينت عباره عن توهج الكويل فى منطقه معينه منه فقط تلاقيه مطلع أضائه حمراء من الحراراه وباقى الكويل مطفأ
وهذا خطأ إذ يجب أن يشع الكويل بكامله بنفس درجة التوهج من أوله إلى آخره
وعلاج ذلك سهل وهو أنك تجعل المسافات بين كل لفه وأخرى متساويه وقريبه من بعضها
وطبعاً صوت الطقطقه ده منه
تحياتى

 

[Moh.fathy0]

عزيزى خلى بدل الثلاث لفات خليهم خمس لفات وجرب
تمنياتى بالتوفيق

حجرب تاني و ربنا يستر و شكرا جدا علي اهتمامك اخي الكريم

 

[george&john]

الف شكر عزيزي كمال علي شرحك الوافي طيب ايه اضرار الهوت بوينت بمعني انا لو عندي هوت بوينت في الكويل ايه الي هيحصل هل مثلا هيكون دخان خفيف ولا مثلا هيكون دخان شديد الحراره مثلا ويسبب كحه والشي الثاني هل لو كل ما اذود في عدد اللفات بتذيد المقاومه ولا بتنقص بمعني عملت كويل من 5 لفات ولنفترض عند القياس طلعت المقتومه عندي ٢ اوم مثلا هل لو ذودت عدد اللفات الي 6 مثلا ممكن المقاومه تبقي 2 وشوي مثلا ولا اقل من 2

 

[Tahlawi]

الف شكر عزيزي كمال علي شرحك الوافي طيب ايه اضرار الهوت بوينت بمعني انا لو عندي هوت بوينت في الكويل ايه الي هيحصل هل مثلا هيكون دخان خفيف ولا مثلا هيكون دخان شديد الحراره مثلا ويسبب كحه والشي الثاني هل لو كل ما اذود في عدد اللفات بتذيد المقاومه ولا بتنقص بمعني عملت كويل من 5 لفات ولنفترض عند القياس طلعت المقتومه عندي ٢ اوم مثلا هل لو ذودت عدد اللفات الي 6 مثلا ممكن المقاومه تبقي 2 وشوي مثلا ولا اقل من 2

اضرار الهوت بوينت كل الى انت قلت عليه علاوه على ان السليكا ويك ممكن يتحرق وطعم مش كويس ولو زودت عدد لفات الكويل زادت قيمة المقاومه يعنى 2 ممكن تبق 2.5 وهكذا كل ما زودت وطبعاً هناك حد اقصى يجب ان لا تتعداه فى البطاريات العاديه وهو حوالى 2.5 تقريبا لكن لو بتشتغل بمود ممكن تزود الفولت بتاعه ممكن توصل الى 2.8 و3 تبقى كثيره جدا
تقبل تحياتى